"Негізінде Сафа мен Мәруа Алланың белгілерінен. Ол жерде кім қажылық немесе ұмра жасаса, ол екеуінде тауап етудің оқасы жоқ. Кімде-кім артықша бір қайыр істесе, Алла шүкірлікті қабылдаушы, толық білуші" (Құран 2:158).
Сағи – әл-Харам мешітінің ішінде орналасқан қасиетті Сафа мен Мәруа төбелерінің арасын жеті рет жүріп өту амалы. Бұл төбелердің арасы төрт жүз елу метрдей.
Бұл амалды орындаудың маңызды шарты – ер адамдардың екі жасыл шам арасында жүгіріп, қалған жерлерді қалыпты жүріспен жүрулері.
Тәмәтту қажылығында екі рет сағи жасалады, ал ұмрада бұл амал тек бірінші күні бір рет парыз. Екінші сағи ифада тауафынан кейін зулхиджа айының 10-шы күні орындалады.
Ал қыран қажылығында, сағи бір рет орындалады. Ұмра мен қажылықтың сағиы бірдей және тауаф кудумнан кейінгі бірінші күні өткізіледі. Ифрад қажысының сағи жасау уақыты да осындай.
Сафа
Тауап біткеннен кейін қажылар екі төбе арасында жеті рет жүріп өту үшін Сафа төбесіне шығуы керек. Сафа төбесіне жақындағанда «Алланың бастаған жерінен бастаймын» деп, «Иннас-сафа уәл мәруәта мин шәға-ириллаһ» деген аятты оқу керек.
Бұл сөздер айтылған соң төбеге шығып, тоқтап, Аллаға үш рет мадақ айтып, оны ұлықтап Қағбаға қарау керек. Содан кейін қолды жайып, дұға жасайды:
"Лә илләһә иллаллаһу уахдаһу ләә шариикә ләһ ләһул мулку уә ләһул хамду уә һуә аләә кулли шайн қадиир. Лә иләһә иллаллаһу уәхдәһу анжәзә уағдәһу уә насара ғабдәһу уә һазәмәл ахзаба уахдаһу”.
Аудармадасы: "Алладан басқа тәңір жоқ, Оның серігі жоқ. Ол құдірет пен мақтауға ие және Ол әр нәрсеге құдіретті. Алладан басқа тәңір жоқ, Ол уәдесін толық орындаушы. Құлына жеңіс сыйлап, (жау) тайпаларын жойды».
Бұл сөздерді үш рет қайталау керек. Сонымен қатар, айтылатын дұғалары қысқа болса, араларында Алладан қалаған нәрсесін сұрап, дұға жасауына болады. Қолды тек дұға еткенде ғана көтеру керек. Алла тағаланы ұлылайтын кезде бұлай істеуге болмайды. Сондай-ақ, бұл сөздер кезінде қолмен Қағба жақты нұсқауға болмайды.
Осыдан кейін қажылар Сафадан түсіп, қалыпты жүріспен Мәруаға қарай бет алады. Бұл жерде бір маңызды ерекшелікті атап өткен жөн. Жолда тек ер адамдарға қатысты жасыл шамдары бар жерлер бар. Олардың біріншісіне жеткенде, келесісіне жеткенше жүгіру керек. Бұл әйелдерге қатысты емес, олар барлық аралықта қалыпты жүріспен жүреді.
Мәруа
Қажы Мәруаға жеткенде Қағбаға бұрылып, Сафадағыдай аяттан басқа барлық сөздерді айтуы керек. Қалаған дұғасын жасайды, сосын Сафаға барады. Ерлер жасыл шамдарға жақындаған кезде, келесі жасыл шамға жеткенше қарқынын үдету керек екенін есте ұстаған жөн. Сафадағы әрекеттерді қайталайды. Сафадан Мәруаға дейінгі қашықтықты өту бір сағи болып есептеледі. Осы тәртіппен жеті рет сағи жасайды.
Бұл жолды жаяу бастаған адам, егер әлсіздік немесе ауырсыну сезінсе, сағиды мүгедектер арбасымен аяқтауға рұқсат етілетінін білу маңызды, бұл оны өз бетінше жалғастыру мүмкіндігінен айырады.
Ұмраның бұл кезеңі аяқталғаннан кейін қажы шашын қысқартуы немесе тақырлап алу керек (соңғысы жақсырақ). Әйелдерге шаштарын бір елі қысқарту жеткілікті. Осыдан кейін барлық амалдар толық аяқталады және ихрам кезіндегі барлық шектеулер алынып тасталады.
Айта кету керек, босанғаннан кейінгі кезеңде немесе етеккір кезінде әйелдерге сағиға рұқсат етіледі. Алайда, оларға жүгіруге қатаң тыйым салынады.